August 18, 2016 
தண்டோரா குழு
சபாநாயகரின் சர்வாதிகார போக்கைக் கண்டித்து தமிழக சட்டப்பேரவை வளாகத்தில் தர்ணாவில் ஈடுபட்டதாக எதிர்க்கட்சி தலைவர் மு.க.ஸ்டாலின் விளக்கமளித்துள்ளார்.
தமிழக சட்டப்பேரவைக்கு இன்று வந்த திமுக உறுப்பினர்களை அவைக்காவலர்கள் தடுத்து நிறுத்தினர்.அப்போது திமுகவினர் தாங்கள் எதிர்க்கட்சித் தலைவர் அறைக்குச் செல்லவே வந்திருப்பதாகக் கூறினர்.ஆனாலும் அவர்களுக்கு அனுமதி அளிக்கப்படவில்லை.
இதனையடுத்து, எதிர்க்கட்சித் தலைவர் மு.க.ஸ்டாலின், துணைத் தலைவர் துரைமுருகன் உள்ளிட்ட திமுக எம்எல்ஏக்கள் சட்டப்பேரவை வளாகத்தில் வாயில் அருகே அமர்ந்து தர்ணாவில் ஈடுபட்டனர்.சுமார் 2 மணி நேரம் இந்தத் தர்ணா நடைபெற்றது.
சட்டப்பேரவை எதிர்க்கட்சித் தலைவரான என்னை எனது அறைக்குச் செல்லவிடாமல் தடுத்து நிறுத்தினர்.சட்டப்பேரவைக்குள் செல்லத் தான் அனுமதி இல்லை எனது அறைக்குச் செல்ல அனுமதி உண்டு என்று கூறியும் உள்ளே செல்ல அனுமதிக்கவில்லை.எனவே, சபாநாயகரின் சர்வாதிகார போக்கைக் கண்டித்து தர்ணா போராட்டத்தில் ஈடுபட்டோம்.
மேலும், திமுக ஆக்கப்பூர்வமாகவே சட்டப்பேரவையில் செயல்பட்டு வருகிறது அவையில் இருந்து வெளிநடப்பு செய்ய வேண்டும்,அவையை புறக்கணிக்க வேண்டும் என்று நாங்கள் நினைத்ததில்லை. எங்கள் எதிர்ப்பைத் தெரிவிக்க ஓரிரண்டு சமயங்களில் மட்டும் வெளிநடப்பு செய்திருக்கிறோம்.
சட்டப்பேரவை நிகழ்ச்சிகளை பல்வேறு மாநில அரசுகளும் நேரலையாக ஒளிபரப்புகின்றன.அதே போல் தமிழக சட்டப்பேரவை நிகழ்வுகளையும் நேரலையாக ஒளிபரப்ப வேண்டும் என்று நீண்ட காலமாக வலியுறுத்தி வருகிறோம்.ஆனாலும்,அது எடுபடவில்லை.வழக்கு நிலுவையில் இருக்கிறது என்று ஏதாவது காரணம் சொல்கின்றனர்.
தமிழக சட்டப்பேரவை நிகழ்வுகளை நேரலையாக ஒளிபரப்பினால் மட்டுமே உண்மை நிலைமை தெரியவரும் என்று தெரிவித்தார்.
ஸ்டாலினைத் தொடர்ந்து பேசிய துணைத் தலைவர் துரைமுருகன், தமிழக சட்டப்பேரவை சபாநாயகருக்குச் சட்டம் தெரியவில்லை.எந்தப் பகுதி சபாநாயகர் அதிகாரத்துக்குட்பட்டது என்று அவருக்குத் தெரியவில்லை என்றும் பேரவை மட்டுமே அவர் அதிகாரத்துக்குள் வரும் ஒட்டுமொத்த கோட்டையும் அல்ல.
எதிர்க்கட்சித் தலைவர் அறைக்குச் செல்ல விட மறுத்தது சர்வதிகார போக்கு என்றும் சட்டமன்ற உறுப்பினரைக் கடமையை செய்யவிடாமல் தடுத்ததாக உரிமை மீறல் பிரச்சினையை உருவாக்குவோம் என்றும் தெரிவித்தார்.
கோவையில் துவங்கியது சர்வதேச அளவிலான (Tai Chi) டாய்- சி மாநாடு; பிரபல டாய் சி ஆசிரியர் மருத்துவர் பால் லாம் பங்கேற்பு
ப்ரீ பிக்சிங்,அட்வான்ஸ் வொர்க்; கோவை மாநகராட்சி டெண்டர் ஒதுக்கீட்டில் ஏகப்பட்ட முறைகேடு
திருச்சியில் இருந்து இரண்டரை மணிநேரத்தில் கோவை அழைத்து வந்து பிறந்து 7 நாட்களே ஆன குழந்தையின் உயிரை காப்பாற்றிய மருத்துவர்கள்
புகழ்பெற்ற லெக்கோ குசினா-வின் எக்ஸ்பீரியன்ஸ் சென்டர் கோவையில் துவக்கம்
மரம் தங்கசாமி நினைவு நாள்; காவேரி கூக்குரல் சார்பில் மரக்கன்றுகள் நடும் விழா!- தமிழகம் முழுவதும் 1.67 லட்சம் மரக்கன்றுகள் நடவு
கோவையில் சர்வதேச “டாய்சி 2024”. உடல்பயிற்சி மற்றும் தியானம் குறித்த 4 நாள் மாநாடு
For English News
