August 16, 2016 
தண்டோரா குழு
கொசுக்களோடு குடும்பம் நடத்தி வருபவர்கள் நம்மவர்கள்.அதிலும் தமிழகத்தில் கொசுக்கடி வாங்காத ஒரு குடிமகனும், குடிமகளும் இருக்கவே முடியாது.ஆனால் வெறும் 43 கொசுக்கடி வாங்கிய 9 வயது சிறுமிக்கு பரிசு கொடுத்து பாராட்டிக் கௌரவப்படுத்தியுள்ளனர் ரஷ்யாவில்.
நம்ம ஊரில் கொசுவை ஒரு கையால் அடித்து விட்டு,மறு கையால் வேரு வேலை செய்வது ரொம்ப சாதாரணம்.ஆனால், வெளிநாடுகளில் கொசுவை பார்த்தாலே ஏதோ டிராகுலாவை பார்த்தது போல அலறி ஓடுவார்கள்.இந்த நிலையில் ரஷ்ய நாட்டின் பெரஸ்னிகி என்னும் நகரில் வருடா வருடம் கொசு திருவிழா என்று ஒரு வினோத திருவிழா நடத்தப்பட்டு வருகிறது.
மேலும், இந்தத் திருவிழாவின் முக்கிய நிகழ்ச்சியே யார் அதிக அளவில் கொசுக்கடி வாங்குகிறார்கள் என்பது தான்.அதற்காக நகருக்கு அருகே உள்ள காட்டுப் பகுதிக்குள், வெறும் உடம்போடு போய் தங்கி விட்டு வர வேண்டும்.முடிந்தால் ஒரு கண்ணாடி ஜாடியில் சுமார் 100 கொசுகளைப் பிடிக்க வேண்டும்.
இந்த விழாவில் கலந்து கொண்வடர்களிலேயே 9 வயது சிறுமியான இரினாவின் உடலில் மொத்தம் 43 கொசுக்கடிகள் இருந்தன.இந்தச் சிறுமியை தான் அதிக அளவில் கொசுக்கள் கடித்திருந்தன.எனவே, இவருக்கே முதல் பரிசை கொடுத்துப் பாராட்டியுள்ளனர்.
மேலும், பரிசு கிடைத்ததோடு மட்டுமல்லாமல் ரொம்பவும் சுவையான பெண் என்ற பட்டத்தையும் இந்த 9 வயது சிறுமி இரினாவுக்கு திருவிழாவும், கொசுக்கடியும் தேடி கொடுத்துவிட்டது.ஊரெல்லாம் கொசுவுக்கு பயந்து நடுங்கும் நிலையில் அதுவும் ஜிகா பீதி பட்டையை கிளப்பி வரும் நிலையில் ரஷ்யாவில் கொசு திருவிழா நடைபெறுவது குறிப்பிடத்தக்கது.
ஆனால்,இரினா வாங்கிய கொசுக்கடி கடந்த 2013ல் வெற்றி பெற்றவர் வாங்கியதை விட குறைவு தான்.கடந்த 2013ல் வெற்றி பெற்றவர் உடம்பில் 100க்கும் மேற்பட்ட கொசுக்கடி இருந்ததாம்.பேசாமல் இதையும் ஒலிம்பிக்கில் சேர்த்தால் இந்தியாவுக்குக் கண்டிப்பாக பதக்கம் கிடைக்க நிறைய வாய்ப்புகள் இருக்கிறது.
கோவையில் துவங்கியது சர்வதேச அளவிலான (Tai Chi) டாய்- சி மாநாடு; பிரபல டாய் சி ஆசிரியர் மருத்துவர் பால் லாம் பங்கேற்பு
ப்ரீ பிக்சிங்,அட்வான்ஸ் வொர்க்; கோவை மாநகராட்சி டெண்டர் ஒதுக்கீட்டில் ஏகப்பட்ட முறைகேடு
திருச்சியில் இருந்து இரண்டரை மணிநேரத்தில் கோவை அழைத்து வந்து பிறந்து 7 நாட்களே ஆன குழந்தையின் உயிரை காப்பாற்றிய மருத்துவர்கள்
புகழ்பெற்ற லெக்கோ குசினா-வின் எக்ஸ்பீரியன்ஸ் சென்டர் கோவையில் துவக்கம்
மரம் தங்கசாமி நினைவு நாள்; காவேரி கூக்குரல் சார்பில் மரக்கன்றுகள் நடும் விழா!- தமிழகம் முழுவதும் 1.67 லட்சம் மரக்கன்றுகள் நடவு
கோவையில் சர்வதேச “டாய்சி 2024”. உடல்பயிற்சி மற்றும் தியானம் குறித்த 4 நாள் மாநாடு
For English News
