July 1, 2019 
தண்டோரா குழு
இந்தியா மற்றும் இங்கிலாந்து இடையேயான உலகக்கோப்பை லீக் போட்டியின் போது சச்சினை கூகுளின் தலைமை நிர்வாக அதிகாரி சுந்தர் பிச்சை சந்தித்து புகைப்படம் எடுத்துக்கொண்டார்.
17வது உலகக்கோப்பை தொடர் இங்கிலாந்தில் நடைபெற்று வருகிறது. கடந்த ஜூன் 30ம் தேதி துவங்கிய இத்தொடர் தற்போது இறுதி கட்டத்தை எட்டியுள்ளது. இதற்கிடையில் நேற்று இங்கிலாந்தின் பர்மிங்காம் மைதானத்தில் இந்தியா மற்றும் இங்கிலாந்து அணிகளுக்கு இடையேயான போட்டி நடைபெற்றது. இந்த போட்டியை காண கூகுள் நிறுவனத்தின் தலைமை நிர்வாக அதிகாரி சுந்தர் பிச்சை சென்றிருந்தார்.
அப்போது போட்டி வர்ணனையாளராக இருந்த இந்திய அணியின் முன்னாள் வீரர் சச்சினை, சுந்தர் பிச்சை சந்தித்து புகைப்படம் எடுத்துக்கொண்டார். அந்த புகைப்படத்தை பிசிசிஐ தனது சமூக வலைதள பக்கங்களில் பகிர்ந்துள்ளது.
For English News
